Հարաւային Գալիֆորնիոյ համալսարանի «Տորնսիֆ» բաժինը կը տեղեկացնէ, թէ դոկտ. Հրակ Փափազեան նշանակուած է Հայագիտականի «Թրբանճեան» ամպիոնի դասախօս։

Դոկտ. Հրակ Փափազեան մասնագիտացած է Օքսֆորտ համալսարանին մէջ։ Ան ծնած է Լիբանան եւ յաճախած Համազգայինի Ճեմարանը, գործօն դերակատարութիւն ունեցած է համայնքին մէջ։ Հրակ Փափազեան դասաւանդած է Հայաստանի Ամերիկեան համալսարանին եւ Գալիֆորնիոյ նահանգային համալսարանի Ֆրեզնոյի մասնաճիւղին մէջ, ինչպէս նաեւ եղած է Գալիֆորնիոյ համալսարանի Լոս Անճէլըսի մասնաճիւղի «Խոստումը» հայկական հիմնարկի ուսումնասիրողներէն մէկը։

Դոկտ. Փափազեանի ուսումնասիրութիւններու կիզակէտը կը հանդիսանայ Թուրքիոյ հայութիւնը։

Նշենք, որ համալսարանին մէջ կը գործէ նաեւ Թրբանճեանի անուան Քաղաքացիական հասարակութեան եւ ընկերային փոփոխութեան ամպիոնը, որուն դասախօսը փրօֆ. Մանուէլ Փասթորն է։