Համայնքային շրջանակներէն ներս լայն արձագանգ գտած է Պէյօղլուի սուրբ եկեղեցեաց թաղային խորհուրդի վերջին ընտրութեան առ ոչինչ համարման վերաբերեալ դատական իշխանութիւններուն կողմէ արձակուած յայտնի վճիռը։ Պատկան առաջին ատեանը միջոց մը առաջ արձակած էր դատավճիռ մը, որով այդ պահանջը մասամբ բաւարարուած էր։ Վերջերս արդէն հրապարակուած է նաեւ դատավճռին հիմնաւորումը, ինչ որ լայն արձագանգ գտած է համայնքային շրջանակներէն ներս։ Թրքահայ ազգային-եկեղեցական կեանքի օրակարգին վրայ այս խնդիրը ստացած է հրատապ նշանակութիւն՝ հակառակ անոր, որ Պէյօղլուի սուրբ եկեղեցեաց թաղային խորհուրդը ուղղակիօրէն այս դատական գործընթացին կողմը չէ։ Դատավարութիւնը կ՚ընթանայ Վաքըֆներու ընդհանուր տնօրէնութեան եւ դատը բացած՝ իրաւաբան Սիմոն Չեքէմին միջեւ, որ նախկին շրջանին կը գլխաւորէր թաղային խորհուրդը։ Դատավճռի հիմնաւորման հրապարակման զուգահեռ՝ ամփոփ յայտարարութիւնով մը հանդէս եկաւ Պէյօղլուի սուրբ եկեղեցեաց թաղային խորհուրդի անդամներէն իրաւաբան Առէն Տատըրօղլու։ Ստորեւ կը ներկայացնենք՝ ընկերային ցանցերու վրայ հրապարակուած այս յայտարարութեան թրքերէն բնագիրը, որ կու գայ համոզիչ ձեւով լուսաբանել հանրային կարծիքը։