Մայիսի 14-ին Թուրքիայում կայացած ընտրություններում նախագահի թեկնածուներից ոչ մեկը չի հավաքել ձայների 50 տոկոսից ավելին, ինչի կապակցությամբ երկրում կանցկացվի քվեարկության երկրորդ փուլ։ Այն տեղի կունենա մայիսի 28-ին, երկուշաբթի թուրքական հեռուստատեսության ուղիղ եթերում ասել է Թուրքիայի Կենտրոնական ընտրական հանձնաժողովի ղեկավար Ահմեթ Էները։

«Նախագահական ընտրությունների երկրորդ փուլը տեղի կունենա կիրակի՝ մայիսի 28-ին,»,- ասել է նա։

Նրա խոսքով, տեղական ժամանակով ժամը 15:15-ի դրությամբ, բոլոր քվեատուփերի բացման արդյունքում, գործող նախագահ Ռեջեփ Թայիփ Էրդողանը հավաքել է ձայների 49,51 տոկոսը, ընդդիմության առաջնորդ Քեմալ Քըլըչդարօղլուն՝ 44,88 տոկոսը, «Աթա» քաղաքական դաշինքի ներկայացուցիչ Սինան Օգանը ձայների 5,7 տոկոսը։