Մոսկուան Պաքուի եւ Երեւանի հետ Ղարաբաղի վերաբերեալ եռակողմ համաձայնութիւնները կը նկատէ այլընտրանք չունեցող: Այս մասին «Իզ» կայքին համաձայն լրագրողներուն ըսած է Քրեմլինի բանբեր Տմիթրի Փեսքով:

«Մենք պատրաստ ենք ողջունելու կողմերու որեւէ քայլ, որ կրնայ յանգեցնել լարուածութեան թուլացման եւ պիտի նպաստէ ռուս-ազրպէյճանական-հայկական եռակողմ համաձայնութիւններու իրականացման հետագայ յառաջընթացին:

«Այս եռակողմ համաձայնութիւնները այժմ լուծման միակ իրական, իրատեսական հիմքն են, հետեւաբար մենք բոլոր կէտերուն իրականացման ուղղութեամբ յառաջընթացը կը նկատենք այլընտրանք չունեցող եւ անհրաժեշտ բոլորին համար», ըսած է ան: