Թուրքական լրատվամիջոցները շարունակում են ուշադրության կենտրոնում պահել Սիրիայի հետ հարաբերությունները կարգավորելու հնարավորությունը:

Այս անգամ թեմային անդրադարձել է թուրքական CNN Turk լրատվամիջոցը: Աղբյուրն առանձնացնում է 4 հարց, որոնց լուծման դեպքում հնարավոր կլինի թուրք-սիրիական հարաբերությունների կարգավորում:

Ստորև ներկայացվում են նշյալ պահանջները:

1.Սիրիայի սահմանադրական հանձնաժողովի աշխատանքներում, որի ստեղծումը համաձայնեցվել է 2018-ի հունվարին Սոչիում կայացած Սիրիայի խորհրդաժողովում, պետք է ներկայացված լինի Սիրիայի ընդդիմություն: (Նրանք վայելում են Թուրքիայի աջակցությունը):

2. Փախստականների վերադարձ, որին պետք է նպաստեն նաև Իրանը ու Ռուսաստանը, քանի որ վերջիններս նույնպես համարվում են երաշխավոր երկրներ:



3. Հումանիտար օգնության անխափան իրականացում Սիրիայի բոլոր շրջաններ:

4. Ահաբեկչության դեմ պայքար, առանց տարբերություն դնելով «ահաբեկչական կառույցների» միջ: (Այստեղ թուրքական աղբյուրն առաջին հերթին նկատի ունի Սիրայի քրդական ուժերին, որոնց համարում է ահաբեկչական): Անհրաժեշտ է, որ նրանք դուրս գան Սիրիայի հյուսիսից:

Իր հերթին աղբյուրը նշում , որ Սիրիան էլ պահանջում է, որ Թուրքիայի զինված ուժերը դուրս գան Սիրիայից:

Նշենք, որ տևական ժամանակ Թուրքիայի զինված ուժերը գտնվում են Սիրիայի հյուսիսի մի հատվածում, որը փաստացի օկուպացման տակ են պահում: