Թուրքիոյ նախագահական պալատի մամլոյ ծառայութիւնը հաղորդեց, որ Թուրքիոյ նախագահ Ռեճեփ Թայիփ Էրտողան Միացեալ Նահանգներու նախագահ Ճօ Պայտընի հետ հեռաձայնային հաղորդակցութեան մը ընթացքին վերջինիս շեշտած է կարեւորութիւնը, որ Թուրքիան ըլլայ այնպիսի դիրքի մը վրայ, որ կը դիւրացնէ քննարկումները, եթէ ուքրանական տագնապը բարդանայ` աւելցնելով, որ Անթալիոյ մէջ Թուրքիոյ, Ռուսիոյ եւ Ուքրանիոյ եռակողմ ժողովը «ինքնին դիւանագիտական յաղթանակ կը նկատուի»:

Էրտողան յայտարարած է, որ Ուաշինկթըն պէտք է ջնջէ պաշտպանական արդիւնաբերութեան ոլորտին մէջ Անգարայի դէմ հաստատուած «անարդար պատժամիջոցները»:

Միւս կողմէ, Պայտըն հրապարակեց գործադիր որոշում մը` Քաթարին շնորհելով ՕԹԱՆ-էն դուրս Միացեալ Նահանգներու գլխաւոր դաշնակիցի կարգավիճակ: