10 յունուարին Ժընեւի մէջ բանակցութիւններու ընթացքին Ռուսիան ամերիկեան կողմէն պիտի ձգտի ստանալ Ռուսիոյ անվտանգութեան ամուր երաշխիքներ: Այս մասին մամլոյ ասուլիսի ընթացքին յայտարարեց Ռուսիոյ արտաքին գործոց նախարարութեան բանբեր Մարիա Զախարովան:

«Օրակարգին վրայ, ի հարկէ, ընդգրկուած է 15 դեկտեմբերին Միացեալ Նահանգներուն կողմէ Ռուսիայէն փոխանցուած ռուսական երկու հիմնարար փաստաթուղթերու նախագիծերու քննարկում` Ռուսիոյ եւ Միացեալ Նահանգներու միջեւ անվտանգութեան երաշխիքներու եւ Ռուսիոյ եւ Հիւսիսային Ատլանտեան դաշինքի անդամ երկիրներու անվտանգութեան քայլերու մասին համաձայնագիրները: Բանակցութիւններու ընթացքին մենք պիտի ձգտինք ամերիկեան կողմէն ստանալ Ռուսիոյ անվտանգութեան ամուր իրաւական երաշխիքներ` ՕԹԱՆ-ի չյառաջխաղանալը դէպի արեւելք եւ Ռուսիոյ սպառնացող սպառազինութեան համակարգերը չտեղակայելը մեր երկրի սահմաններուն վրայ», ընդգծած է դիւանագէտը:

Արտաքին գործոց նախարարութեան պաշտօնական ներկայացուցիչը նշած է, որ 10 յունուարին տեղի պիտի ունենայ Ռուսիոյ անվտանգութեան երաշխիքներու վերաբերեալ հանդիպումը, այս թուականին այլընտրանք չկայ:

«10 յունուարին Ժընեւի մէջ նախատեսուած են բանակցութիւններ Ռուսիոյ եւ Միացեալ Նահանգներու միջնախարարական պատուիրակութեան ձեւաչափով, ռուսական պատուիրակութիւնը պիտի գլխաւորէ Ռուսիոյ արտաքին գործոց փոխնախարարը, իսկ ամերիկեան կողմը` արտաքին գործոց նախարարի տեղակալ Ուենտի Շըրմընը», ըսած է ան: