Մասնակցութիւնս կ՛արտայայտեմ, մարդկային կորուստներու ցաւին, կրած տառապանքներուն, ինչպէս նաև տուներու ու աղօթատեղիներու կործանումին համար: Ես կ՛աղօթեմ և կը հրաւիրեմ աղօթել զոհերուն համար ու բոլոր անոնց համար որոնց կեանքը վտանգի մէջ է։

Կիրակի 11 հոկտեմբեր 2020-ին Ֆրանչիսկոս Սրբազան Քահանայապետը իր գրասենեակի պատուհանէն արտասանած Մարեմեան աղօթքի աւարտին յիշեց աշխարհի զանազան վայրերուն մէջ բռնկուած մեծ հրդեհներու զոհերը, ապա յատուկ կոչ ուղղեց Հայաստանի եւ Ազրպէյճանի միջեւ զինադադարի վերահաստատումին ի տես ապա մասնակցութիւն արտայայտեց մարդկային կեանքերու կորուստներուն համար ու դատապարտեց աղօթատեղիներու կործանումը։

“«Ես բարձր գնահատեցի, Հայաստանի և Ատրպէյճանի միջև համաձայնուած մարդասիրական նկատառումներու համար հրադադարը, խաղաղութեան էական համաձայնութեան մը հանգելու նպատակով: Հակառակ որ ապացուցուեցաւ, թէ զինադադարը կը մնայ չափազանց փխրուն, ես կը խրախուսեմ դարձեալ դիմել անոր, եւ մասնակցութիւնս կ՛արտայայտեմ, մարդկային կորուստներու ցաւին, կրած տառապանքներուն, ինչպէս նաև տուներու ու աղօթատեղիներու կործանումին համար: Ես կ՛աղօթեմ և կը հրաւիրեմ աղօթել զոհերուն համար ու բոլոր անոնց համար որոնց կեանքը վտանգի մէջ է»”