Ֆրանչիսկոս Պապ ժամանեց Ապու Տապիի օդակայան։ - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Խաւարակ

Հայերէն :

04 Şubat 2019  

Ֆրանչիսկոս Պապ ժամանեց Ապու Տապիի օդակայան։ -

Ֆրանչիսկոս Պապ ժամանեց Ապու Տապիի օդակայան։ Ֆրանչիսկոս Պապ ժամանեց Ապու Տապիի օդակայան։

Նորին Սրբութիւնը դիմաւորուեցաւ Գահաժառանգ իշխան՝ Նորին Վսեմութիւն Շէյխ Մոհամմատ Պին Զայետ Ալ Նահեանին կողմէ։Ռոպէր Աթթարեան - Վատիկան

Կիրակի 3 փետրուար 2019-ի երեկոյեան, տեղական ժամով 21,55-ին (Հռոմի ժամով 18,55-ին) Ֆրանչիսկոս Սրբազան Քահանայապետը փոխադրող Ալիթալիա Ընկերութեան օդանաւը վայրէջք կատարեց Արաբական Միացեալ Էմիրութիւններու մանրաքաղաք՝ Ապու Տապիի միջազգային օդակայան, ուր զինք դիմաւորելու եկած էր Գահաժառանգ իշխան՝ Նորին Վսեմութիւն Շէյխ Մոհամմատ Պին Զայետ Ալ Նահեանը, աւանդական տարազներով երկու մանուկներու հետ միասին, որոնք Նորին Սրբութեան ծաղիկներ նուերեցին։

Ապա Քահանայապետն ու Իշխանը միասին ուղղուեցան դէպի Պատուոյ հիւրասրահ ուր ողջունեցին պատուիրակութիւններու անդամները, հուսկ Նորին Սրբութիւնը ողջունեց այդ ճամբորդութեան առթիւ Արաբական Էմիրութիւններ ժամանած Ալ Ազհար համալսարանի Աւագ Իմամ՝ Ահմատ Ալ Թայըպը որուն հետ միասին ուղղուեցաւ Քահանայապետակն ինքնաշարժ որ զիրենք առաջնորդեց «Ալ ՄուշրիՖ Փալաս» պալատ որ այս օրերուն կը հանդիսանայ Ֆրանչիսկոս Պապին բնակավայրը, եւ ուր Նորին Սրբութիւնը ժամանեց երեկոյեան 22.40-ին։

Ֆրանչիսկոս Պապ ողջունեց իր հետ ճամբորդող լրագրողները։

Նշենք թէ դէպի Ապու Տապի Ճանապարհորդութեան ընթացքին Սրբազան Քահանայապետը ողջունելով իր հետ ճամբորդող լրագրողները նշեց թէ այս առաւօտ իմացած էր որ Ապու Տապիի մէջ անձրեւ եկած է ու «այդ վայրին համար անձրեւը օրհնութեան նշան է» ըսաւ Քահանայապետը ապա մաղթեց «Յուսամ ամէն ինչ լաւ ընթանայ»։


Նորին Սրբութիւնը հուսկ բոլոր լրագրողներուն բաժնեց երիտասարդ կրօնաւորի մը պատկերը որ իր ուսերուն վրայ շալկած է տարեց կրօնաւոր մը, հաստատելով թէ այդ մէկը կը պատկերացնէ տարեցներու ու երիտասարդներու միջեւ երկխօսութիւնը։ «Այս մէկը ինծի համար մեծ կարեւորութիւն ունի» ըսաւ Սրբազան Հայրը այդ երկխօսութիւնը նկատելով նաեւ մարտահրաւէր։





Bu haber radiovatican kaynağından gelmektedir.

Haber metninde yer alan görüşler haber kaynağı (radiovatican) ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(radiovatican). They do not purport to reflect the opinions or views of bolsohays.com

Diğer Haberler

+