Ամերիկայի Հայ դատի յանձնախումբէն կը յայտնեն, որ կոմիտէի անդամ Զանգու Արմէնեան եւ Կլենտէյլի խորհուրդի անդամ Զարեհ Սինանեան վերջերս Երեւան էին, ուր պաշտօնատար անձերու հետ հանդիպումի մը ընթացքին քննարկած են այդպիսի թռիչքի բացման գործնական քայլերը: Երեւան կը գտնուէր նաեւ Փասատենա քաղաքի քաղաքապետ Թերի Թոռնեք:

Արմէնեանի համաձայն, յանձնախումբը պաշտօնատար անձերուն հետաքրքրուածութիւնը նկատած է, քանի որ Հայաստանի եւ Միացեալ Նահանգներու մեծագոյն հայկական համայնքին միջեւ ուղիղ կապը զբօսաշրջութեան եւ գործարարութեան կարելիութիւններու զարգացման կը նպաստէ ինչպէս Լոս Անճելըսի, այնպէս ալ Երեւանի մէջ: