«Մայատին» հաղորդեց, որ Սուրիոյ մէջ քրտական Ժողովուրդի պաշտպանութեան ջոկատները յայտնած են, թէ թրքական հրետանին ռմբակոծած է Աֆրինի մօտակայ գիւղեր: Արձանագրուած է հինգ վիրաւոր:

Նախքան այդ` Թուրքիոյ նախագահ Ռեճեփ Թայիփ Էրտողան սպառնաց Աֆրինի մէջ Ժողովուրդի պաշտպանութեան ջոկատներուն դէմ զինուորական գործողութիւն մը շղթայազերծել` նշելով. «Այնքան ատեն որ քրտական այդ սպառնալիքը կը շարունակուի, պիտի կիրարկենք մեր ճակատումի կանոնները եւ պատշաճ կերպով պիտի հակադարձենք Աֆրինի մէջ»:

Թուրքիոյ նախագահը յայտնեց, որ հարկ է հրաժարիլ ահաբեկչական խմբաւորումներուն դէմ պայքարին մէջ երկակի չափանիշերու կիրարկումէն եւ երաշխաւորել ահաբեկչութեան դէմ համագործակցութիւնը ու միասնականութիւնը: