San Francisco Chronicle թերթը հրապարակած է յօդուած հայ կօշկակարին մասին, որ Միացեալ Նահանգներու մէջ կ՛աշխատի 1976-էն, կը գրէ «Նիուզ»-ը:

Կօշիկի լայն ընտրանիով շրջապատուած` 62-ամեայ ամերիկահայ Ճորճ Շիրիկեան արագ ու մանրակրկիտ կ՛աշխատի : Անոր խօսքով երջանկութեան համար մարդուն միայն լաւ անկողին ու զոյգ մը լաւ կօշիկ պէտք է, քանի որ ատոնց հետ «կեանքը շատ աւելի հեշտ է»:

Շիրիկեան աւարտած է դպրոցը 14 տարեկանին ու որոշած կօշկակարութիւն սորվիլ իր հօրեղբօր մօտ, որ Երեւանի մէջ կօշիկի արտադրամաս ունէր: Միացեալ Նահանգներ արտագաղթելէն ետք Շիրիկեան բացած է իր աաջին արտադրամասը Օքլանտի մէջ 1976-ին: Ճորճը կը յիշէ, թէ ինչպէս իր առաջին յաճախորդը խնդրած էր ամրացնել կրունկը, բայց իր վատ անգլերէնի պատճառով կօշկակարը սխալ հասկցած էր խնդրանքը ու ամբողջ ներբանը վերանորոգած էր: Յաճախորդը չէր կրնար հասկնալ, թէ ինչու աւելի շատ բան վերանորոգած էր, քան ան խնդրած էր, ու Ճորճը անորմէ միայն կրունկի վճարը վերցուցած էր: «Ան գոհ մնաց, ես նոյնպէս: Բայց ես արագ սորվեցայ»,- կը պատմէ ան:

Շիրիկեան երեք զաւակ ունի, բայց անոնցմէ ոչ մէկը ցանկացած է շարունակել իր գործը: Սակայն, ատիկա զինք շատ չի մտահոգեր: «Ես հպատանում եմ իմ զաւակներովս»,- կ՛ամփոփէ ան: