​Քրտական Ուժերը Կը Զգուշացնեն Աֆրինի Դէմ Թրքական Հաւանական Յարձակումէ - Հայերէն
27 Nisan 2024 - Հակական տոմար - Տարի : 4516 / Ամիս : Ահեկան / Օր : Վահագն / Ժամ : Հոթապեալ

Հայերէն :

23 Haziran 2017  

​Քրտական Ուժերը Կը Զգուշացնեն Աֆրինի Դէմ Թրքական Հաւանական Յարձակումէ -

​Քրտական Ուժերը Կը Զգուշացնեն Աֆրինի Դէմ Թրքական Հաւանական Յարձակումէ ​Քրտական Ուժերը Կը Զգուշացնեն Աֆրինի Դէմ Թրքական Հաւանական Յարձակումէ

Սուրիոյ քրտական ուժերու` Ժողովուրդի պաշտպանութեան ջոկատներու բանբեր Նուրի Մահմուտ յայտարարութիւն մը հրապարակելով զգուշացուցած է Թուրքիոյ կողմէ Սուրիոյ Աֆրին քրտաբնակ շրջանին ուղղութեամբ յարձակումի մը կարելիութենէն:

«Սփութնիք» լրատու գործակալութեան թրքական ծառայութիւնը կը հաղորդէ, որ քրտական կողմը կը դժուարանայ նշել, թէ մօտաւորապէս որքա՛ն հրասայլեր ու զրահապատ մեքենաներ արդէն կուտակած է Աֆրինի հետ Թուրքիոյ սահմանին վրայ, սակայն կը նշուի, որ թրքական կողմը նոյն ձեւով ծանր հրասայլեր ու զրահապատ մեքենաներ կը տեղափոխէ Իտլիպի ուղղութեամբ:

Նուրի Մահմուտ նաեւ յայտարարած է, որ Թուրքիա այս հարցին մէջ «ուժ կը ստանայ» Ռուսիայէն:

Թրքական «Անատոլու» լրատու գործակալութիւնը իր կարգին երէկ հաղորդեց, որ Քիլիս նահանգին մէջ գտնուող թրքական բանակի յաւելեալ ուժեր հասած են Սուրիոյ հետ սահման` աւելցնելով, որ անոնց շարքին են 11 զինուորական մեքենաներ, որոնցմէ չորսը բեռնաւորուած են թնդանօթներով:

Թրքական նշեալ ուժերու կարաւանը Քիլիսէն անցած է, եւ այդ ընթացքին ապահովական խիստ միջոցառումներ որդեգրուած են:

Նշենք, որ Միացեալ Նահանգներու պաշտպանութեան նախարար Ճէյմս Մաթիս երէկ յայտարարեց, որ «Միացեալ Նահանգներ Թուրքիոյ ապահովական մտավախութիւններուն վերաբերեալ բոլոր միջոցառումները պիտի որդեգրէ»` նշելով. «Քիւրտ զինեալներուն տրամադրուող զէնքերը պիտի վերադարձուին ՏԱՀԵՇ խմբաւորումի պարտութենէն ետք»:

«Ռաքքայի վերատիրացման ճակատամարտին մասնակցելիք ուժերուն 80 առ հարիւրը պիտի ըլլայ արաբական», ընդգծեց ան:

Միւս կողմէ, արեւմուտքցի պաշտօնատարներ «Շարք Աուսաթ» օրաթերթին յայտնեցին, որ մայիսի կիսուն Ամմանի մէջ ընթացք առած ռուս-ամերիկեան-յորդանանեան բանակցութիւնները աւարտած են անցեալ շաբաթ: Բանակցութիւններուն շնորհիւ եռակողմ փոխադարձ հասկացողութիւն գոյացած է հարաւային Սուրիոյ մէջ ապահով գօտիի սկզբունքներուն շուրջ:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
Önceki Sonraki

Diğer Haberler

Anket Tüm Anketler

Günün Sözü


Մարդկութիւնը հանճարի պակասէ չէ որ կը տառապի, այլ նկարագրի կարօտն է որ կը քաշէ։

+