​28 Ապրիլին Մոսկուայի Մէջ Նալբանդեան-Լաւրով-Մամետեարով Հանդիպում - Հայերէն
23 Kasım 2024 - Հակական տոմար - Տարի : 4517 / Ամիս : Տրե / Օր : Ծմակ / Ժամ : Լուսափայլ

Հայերէն :

28 Nisan 2017  

​28 Ապրիլին Մոսկուայի Մէջ Նալբանդեան-Լաւրով-Մամետեարով Հանդիպում -

​28 Ապրիլին Մոսկուայի Մէջ Նալբանդեան-Լաւրով-Մամետեարով Հանդիպում ​28 Ապրիլին Մոսկուայի Մէջ Նալբանդեան-Լաւրով-Մամետեարով Հանդիպում

28 ապրիլին Մոսկուայի մէջ տեղի պիտի ունենայ Ռուսիոյ, Հայաստանի եւ Ազրպէյճանի արտաքին գործոց նախարարներ Սերկէյ Լաւրովի, Էդուարդ Նալբանդեանի եւ Էլմար Մամետեարովի հանդիպումը` ղարաբաղեան հիմնախնդիրի լուծման վերաբերող հարցերու քննարկման նպատակով:

Այս մասին կը տեղեկացնեն Հայաստանի արտաքին գործոց նախարարութեան լրատուութեան եւ հասարակութեան հետ կապերու վարչութենէն` աւելցնելով, որ հանդիպումը տեղի պիտի ունենայ Ռուսիոյ արտաքին գործոց նախարարին հրաւէրով:

Նախապէս հաղորդուած էր, որ Ռուսիոյ արտաքին գործոց նախարար Սերկէյ Լաւրով ԵԱՀԿ-ի ընդհանուր քարտուղար Լամպերթօ Զանիերի հետ հանդիպումէն ետք տրուած մամլոյ ասուլիսին ընթացքին յայտարարած է, թէ Ռուսիա կը տեսնէ Լեռնային Ղարաբաղի եւ Մերձտնեսթրի մէջ տագնապներու լուծման օգնելու ԵԱՀԿ-ի ձգտումը:

Ան յայտնած է, որ Ռուսիա կը տեսնէ նաեւ ԵԱՀԿ-ի դրական աշխուժ մասնակցութիւնը Հարաւային Կովկասի մէջ անվտանգութեան եւ կայունութեան հարցերով ժընեւեան քննարկումներուն:

«Այդ բոլոր ուղղութիւններով գոյութիւն ունին լուծման ուղղութեամբ յառաջընթաց արձանագրելու համար լուրջ խոչընդոտներ: Սակայն առնուազն բոլոր արտաքին առնչակից խաղացողները մտադիր են անմիջականօրէն առնչակից կողմերուն միջեւ փոխադարձ զիջումներ գտնելու պայմաններ ստեղծել», ըսած է Լաւրով:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
Önceki Sonraki

Anket Tüm Anketler

Günün Sözü


Երբեք չենք կրնար բանի մը ճշմարիտ արժէքը գիտնալ, մինչեւ որ չկորսնցնենք զայն։

+