Գերմանական «Տի Վելթ» օրաթերթը կը գրէ, որ Գերմանիան թրքական «Ինճիրլիք» ռազմակայանին այլընտրանք կը փնտռէ:

Օրաթերթը կը նշէ, որ թուրք-գերմանական յարաբերութիւններուն մէջ ստեղծուած վերջին ճգնաժամէն ետք, Գերմանիոյ Ձախերու կուսակցութեան անդամները Պունտըսթակին առաջարկած են գերմանական կործանիչները հեռացնել Ինճիրլիքէն եւ այլընտրանք փնտռել շրջանի այլ ռազմակայաններու ծիրին մէջ:

Յայտնի է, որ այդ այլընտրանքը կրնայ ըլլալ Կիպրոսի, Յորդանանի կամ Քուէյթի տարածքին գտնուող ռազմակայաններուն մէջ:

Կը նշուի, որ Պունտըսթակի նախագահութիւնը տակաւին ընթացք չէ տուած նշեալ առաջարկին: