«Ռոսիա» լրատու գործակալութիւնը հաղորդեց, որ Ռուսիա Սուրիոյ մատակարարած է «Սքոտ Տի-250» հեռահար հրթիռներ, որոնք կրնան ճշգրիտ կերպով հարուածել ու քանդել Իսրայէլի մէջ գտնուող թիրախներ:

Լրատու գործակալութիւնը կը հաղորդէ նաեւ, որ Իսրայէլի ապահովական ու զինուորական շրջանակներուն մէջ մեծ մտավախութեան մթնոլորտ մը ստեղծուած է ռուսական հրթիռներու առաջին խմբաքանակին Դամասկոս հասնելէն ետք, հակառակ անոր որ ռուսական կողմը Իսրայէլին երաշխիքներ տուած է, թէ Սուրիա այդ հրթիռները Իսրայէլի դէմ պիտի օգտագործէ միայն, եթէ Թել Աւիւ սուրիական հողամասերուն դէմ յարձակում գործէ:

Որոշուած է այդ հրթիռները ռուսական մարտանաւերու ճամբով երեք ամսուան վրայ երկարող փուլերով փոխանցել սուրիական կողմին: Սուրիոյ կառավարութիւնը իր կարգին այդ հրթիռները պիտի տեղակայէ Սուրիոյ ազատագրուած հողերուն վրայ:

�