Նիուզ կը հաղորդէ, որ Դանիոյ համախոհական կառավարութեան անդամ «Ազատական դաշինք» կուսակցութիւնը 19 յունուարին նահանջած է Հայոց ցեղասպանութիւնը ճանչնալու մտադրութենէն. այս մասին կը հաղորդէ երկրին պետական ձայնասփիւռի կայանը:

Նշեալ կուսակցութիւնը, երկու այլ կուսակցութիւններու հետ, իշխանութեանց կոչ ուղղած էր Հայոց ցեղասպանութիւնը պաշտօնապէս ճանչնալու, սակայն այժմ շրջադարձ կատարած է:

Արդարեւ, Ցեղասպանութիւնը ճանչցող բանաձեւին քննարկման ընթացքին, կուսակցութեան անդամ արտաքին գործոց նախարար Անտերս Սամուէլսընը յայտարարած է, թէ հարցը պէտք է պատմաբաններու կողմէ քննարկուի: Սակայն, ընկերվարականներու եւ կենսոլորտի պաշտպաններու կազմած «Միասնութեան ցանկ» ընդդիմադիր դաշինքը, որ ծանօթ է նաեւ «Կարմիր-Կանաչ» անունով, հաւատարիմ կը մնայ իր խօսքին: Այս կուսակցութեան ներկայացուցիչ Նիքոլա Վիլումսեն «մեծ ողբերգութիւն» կոչած է Ցեղասպանութիւնը` զայն պաշտօնապէս ճանչցող բանաձեւին վաւերացումը կենսական նկատելով:

�

�