Պոսթոնի Հայկական Անկախ Ձայնասփիւռը Կը Նշէ Իր Հիմնադրութեան 35-ամեակը - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Թաղանթեալ

Հայերէն :

29 Ağustos 2016  

Պոսթոնի Հայկական Անկախ Ձայնասփիւռը Կը Նշէ Իր Հիմնադրութեան 35-ամեակը -

Պոսթոնի Հայկական Անկախ Ձայնասփիւռը Կը Նշէ Իր Հիմնադրութեան 35-ամեակը Պոսթոնի Հայկական Անկախ Ձայնասփիւռը Կը Նշէ Իր Հիմնադրութեան 35-ամեակը

Պոսթոնի Հայկական Անկախ Ձայնասփիւռը այս տարի կը բոլորէ իր հիմնադրութեան 35-ամեակը, եւ այս առթիւ կազմուած յանձնախումբը որոշած է այս բարեբաստիկ տարեդարձը նշել Շաբաթ, Հոկտեմբեր 1, 2016-ին, երեկոյեան ժամը 8-ին, Ուաթըրթաունի Հայ Մշակութային եւ Կրթական Կեդրոնի սրահին մէջ:

Պոսթոնի Հայկական Անկախ Ձայնասփիւռը հիմնած է ողբացեալ Ժիրայր Ղարիպեանը, 1980 թուականի Հոկտեմբերին: Իր անժամանակ մահէն ետք, Տիկին Եւգինէ Ղարիպեանը, որ Ձայնասփիւռի հիմնադրման առաջին օրէն հանդիսացած է աջակիցը իր կողակիցին, գործնական ամէն առումով, այժմ 25 տարիներէ ի վեր ձեռնհասօրէն կը վարէ Ձայնասփիւռը միեւնոյն ոգիով եւ նուիրումով: Դեռ այսօր, բազում դժուարութիւններ յաղթահարելով Ձայնասփիւռը կը շարունակէ բերել մշակութային իր անշահախնդիր ծառայութիւնը պոսթոնահայ գաղութին, ամէն Շաբաթ օր հանրութեան հրամցնելով գրական, ազգային, մշակութային եւ հայրենասիրական որակաւոր եւ հետաքրքրական հաղորդումներ, սփիւռքեան այս ափերուն մէջ հասակ առած սերունդներուն հաղորդակից դարձնելով Սփիւռքի ու Հայրենիքի իրադարձութիւններուն, յաջողութիւններուն ու դիմագրաւած հարցերուն:

Հոկտեմբեր 1-ին կայանալիք հանդիսութիւնը տեղի պիտի ունենայ հանդիսավարութեամբ “Հայրենիք”ի նախկին խմբագիր Խաժակ Մկրտիչեանի, իսկ օրուան բանախօսն է Դոկտ. Հրանդ Մարգարեան: Հանդիսութեան համար պատրաստուած է գեղարուեստական հարուստ յայտագիր մը, ուր ելոյթ պիտի ունենայ հանրածանօթ երգիչ Գէորգ Հաճեան: Գեղարուեստական յայտագրին իրենց մասնակցութիւնը պիտի բերեն դաշնակահարուհի Մարինա Գաւլաքեան, երգչուհի Ժանէթ Խալարեան, խմբավար Արթուր Վերանեան, Համազգայինի Էրեբունի Պարախումբը, ասմունքողներ Մերի Գալստեան եւ Սիլվա Սարգիսեան:

Սոյն հանդիսութեան հրաւիրուած է պոսթոնահայութիւնը: Մուտքը ազատ է:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+