Հայաստան» համահայկական հիմնադրամի Գերմանիոյ տեղական մարմնի անհատ բարերարներու նուիրաբերած 2 միլիոն դրամին համարժէք գումարը փոխանցուած է ապրիլեան քառօրեայ պատերազմի ընթացքին զոհուած 10 արցախցիներու ընտանիքներուն: Այս մասին կը տեղեկացնէ Հիմնադրամի պաշտօնական կայքը:

Հիմնադրամի Գերմանիոյ տեղական մարմնի ատենապետ Ժիլպեր Մոմճեան կը նշէ, որ Գերմանիոյ հայ համայնքը մեծ ցաւ ապրեցաւ ապրիլեան դէպքերու առնչութեամբ եւ կարճ ժամանակամիջոցի մէջ հաւաքագրեց գումար մը, որ որոշ չափով կը թեթեւցնէ գոնէ այս ընտանիքներու օրուայ հոգը:

Գերմանիոյ տեղական մարմինը կը շարունակէ ընկերային այլ ծրագիրներու իրականացումը: Գերամանահայ համայնքի միջոցներով 2015-ին Գիւմրիի երկու անօթեւան ընտանիք ստացած է նոր, կահաւորուած բնակարաններ: Գիւմրեցի եւս երկու ընտանիք անոնց օժանդակութեամբ յառաջիկայ օրերուն պիտի տեղափոխուի նոր բնակարան:

�