Ռոյթըրզ լրատու գործակալութիւնը, վկայակոչելով քրտական «ՊասՆիուզ» կայքը, կը հաղորդէ, որ Միացեալ Նահանգներ գրեթէ աւարտած են հիւսիսային Սուրիոյ Հասաքա նահանգին մէջ օդուժի առաջին կայանի կառուցումը եւ անցած են երկրորդի մը ստեղծման:

Միացեալ Նահանգներ կը ծրագրեն երկրորդ կայանը կառուցել հիւսիսային Սուրիոյ մէջ, որ կը գտնուի քիւրտերու վերահսկողութեան տակ:

Կայքին տուեալներով` ամերիկեան օդուժի ռազմակայանները կրկնակի նպաստ ունին. այդ տեղերէն պիտի կատարուին թէ՛ քաղաքական, թէ՛ ալ զինուորական թռիչքներ:

Առաջին ռազմակայանը կը գտնուի Հասաքէի Ռմէյլան քաղաքին մօտ: Քրտական ղեկավարութեամբ Սուրիական ժողովրդավարական ուժերու աղբիւրի մը տուեալներով` արդէն գրեթէ աւարտած է էջուղիի շինարարութիւնը: Օդուժի երկրորդ ռազմակայանը պիտի կառուցուի Արաբ Բունար քաղաքին մօտ` Թուրքիոյ հետ սահմանէն ոչ հեռու:

�

�

�