Թուրքիոյ եւ ՍէուտականԱրաբիոյ զինուած ուժերը Փետրուար 15-ին սկսած են համատեղ հնգօրեայ զօրավարժութիւնները:

Ինչպէս կը յայտնէ «Մետիամաքս»-ը, վկայակոչելով իրանական Press-TV հեռուստաալիքը, Սէուտական Արաբիոյ կողմէ զօրավարժութիւններուն կը մասնակցին վեց F-15 կործանիչներ:

Թրքական կողմը կը պնդէ, որ Քոնիա նահանգին մէջ տեղի ունեցող զօրավարժութիւնները նախօրօք ծրագրաւորուած էին:

Թուրքիոյ արտաքին գործոց նախարար Մեւլութ Չաւուշօղլու դեռ շաբաթ օրը յայտարարած էր, որ Սէուտական Արաբիոյ ռազմական ներկայացուցիչները ժամանած են թրքական «Ինճիրլիք» ռազմական օդակայան:

Թուրքիան եւ Սէուտական Արաբիան կողմ են Սուրիոյ տարածքին ցամաքային գործողութիւն իրականացնելուն:

�