Մարաշ Կամ Գերմանիկ Եւ Հերոս Զէյթուն Հատորը Լոյս Տեսաւ Պէյրութի Մէջ - Հայերէն
23 Aralık 2024 - Հակական տոմար - Տարի : 4517 / Ամիս : Քաղոց / Օր : Ծմակ / Ժամ : Շանթակող

Հայերէն :

04 Aralık 2015  

Մարաշ Կամ Գերմանիկ Եւ Հերոս Զէյթուն Հատորը Լոյս Տեսաւ Պէյրութի Մէջ -

Մարաշ Կամ Գերմանիկ Եւ Հերոս Զէյթուն Հատորը Լոյս Տեսաւ Պէյրութի Մէջ Մարաշ Կամ Գերմանիկ Եւ Հերոս Զէյթուն Հատորը Լոյս Տեսաւ Պէյրութի Մէջ

Քանի մը օր առաջ, Մեծի Տանն Կիլիկիոյ Կաթողիկոսութեան տպարանէն լոյս տեսաւ «Մարաշ կամ Գերմանիկ եւ Հերոս Զէյթուն» հատորը, զոր երկասիրած է Գրիգոր Հ. Գալուստեան (Կիլիկեցի)։ Այս նոր հրատարակութիւնը «Հայկական Ցեղասպանութեան 100-ամեակ Արեւմտեան Հայաստանի եւ Կիլիկիոյ Յուշամատեաններ» շարքին Թ. հատորն է։ Շարքը նախաձեռնութիւնն է Արամ Ա. Վեհափառին։


Զէյթունի առնչուածութիւնը Մարաշի պատմութեան՝ հետաքրքրական է, եւ կը բացատրուի անով որ, ան մերձակայքը գտնուելով Մարաշի, իր հերոսական մարտնչումներով, եւ շրջապատին հետ ունեցած սերտ յարաբերութիւններով՝ միաձուլուած է շրջանի պատմութեան։ Ահա թէ ինչու հատորին մէջ ընդարձակ տեղ գրաւած է Զէյթունը։


Այս վերահրատարակութիւնը մեծադիր 1135 էջերէ կը բաղկանայ։ Հարուստ բովանդակութեան վրայ, այս անգամ եկած են աւելնալու տեղանուններու, անձնանուններու եւ այլ բնոյթի ցանկեր, որոնք այնքան կարեւոր են նման աշխատասիրութիւններու համար։ Ինչպէս նախորդներուն, շարքին իններորդ հատորին խմբագիրն է Պրն. Ժիրայր Դանիէլեան։


Վերահրատարակուած հատորին մեկենասութիւնը ստանձնած են Տէր եւ Տիկին Ստեփան եւ Թամար Տէր Պետրոսեանները, ի յիշատակ իրենց մարաշցի հօր՝ Զաւէն Տէր Պետրոսեանի։


Շարքին յաջորդ հատորները պատրաստութեան մէջ են արդէն եւ հերթաբար լոյս պիտի տեսնեն։





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
Önceki Sonraki

Anket Tüm Anketler

Günün Sözü


Հոգւոյ ամէնէն մնայուն ապահովութիւնը կը կայանայ Աստուծոյ կատարեալ հաւատմին մէջ։

+