ՀՀ նախագահ Սերժ Սարգսեան տիկին Ռիտա Սարգսեանի հետ Հոկտեմբեր 30-ին աշխատանքային այցով կը մեկնի Վրաստան:

Այցի ծիրէն ներս ՀՀ Նախագահը հանդիպումներ պիտի ունենայ Վրաստանի բարձր ղեկավարութեան` նախագահ Գիորգի Մարգվելաշվիլիի, վարչապետ Իրակլի Ղարիպաշվիլիի, խորհրդարանի նախագահ Դաւիթ Ուսուպաշվիլիի հետ:

Սերժ Սարգսեան Թիֆլիսի մէջ ներկայ պիտի գտնուի Հայ առաքելական եկեղեցւոյ Վիրահայոց Թեմի Սուրբ Գէորգ առաջնորդանիստ տաճարի վերաօծման արարողութեան:

13-րդ դարուն կառուցուած Սուրբ Գէորգը վերականգնուած է «Հայաստանի զարգացման նախաձեռնութիւններ» (IDeA) հիմնադրամի նախաձեռնութեամբ` շարք մը բարերարներու նուիրատուութիւններուն շնորհիւ, կը հաղորդէ «Մետիամաքս»-ը:

Բարերարներն են` Ալպերթ Աւդոլեանը, Սերկէյ Սարկիսովը ու Ռուսուտան Մախաշվիլին, Դանիլ Խաչատուրովը, Ռուբէն Վարդանեանի ընտանիքը: Վերականգման համար նուիրատուութիւն կատարած է նաեւ Վրաստանի նախկին վարչապետ Պիձինա Իւանիշվիլին:

�