Ամերիկեան յայտնի «Քոնան» թոք-շոուի հեղինակ եւ վարող Քոնան Օ’Բրայանը, երէկ հեռարձակուած հաղորդման ժամանակ անդրադարձած է Հայաստան կատարած իր այցին:

«16 ժամեայ թռիչք` այստեղէն Տուպայ, ապա Իրանով դէպի Հայաստանի մայրաքաղաք Երեւան: Ես այնտեղ տարած էի իմ օգնականը` Սոնան, որ հայուհի է»,- ըսած է Քոնանը:

Վերջինիս գործընկեր Էնդի Ռիխտըրը կատակած է` հարցնելով. «Իսկ միթէ՞ անոր հայրենիքը Կլատէյլը չէ: Այստեղէն այնտեղ 5 րոպէ կը տեւէ»:

Քոնան Օ’Բրայան իր հերթին ըսած է, թէ ոչ ոք նախապէս իրեն չէր տեղեկացուցած, որ երկարատեւ ճանապարհորդութեան փոխարէն կրնար ուղղակի Կլանտէյլ երթալ:

«Ամէն պարագային, ատիկա հիանալի ճամփորդութիւն էր: Հայերը հրաշալի մարդիկ են: Լաւ շոու պիտի ըլլայ»,- ըսած է Քոնան: Հայաստանի մասին պատմող հաղորդումը` լի ծիծաղաշարժ դրուագներով, ամերիկեան TBS հեռուստաալիքի եթերով պիտի սփռուի Նոյեմբերին:

�